اللى على البر شاطر

أمبارح وأنا مع نفسى قعدت أفكر كتير أوى هو ليه لما حد بيقولنا مشاكله بنقوله فكك ياعم وكبر دماغك  هو أنت عبيط دة موضوع مايستهلشى وليه مش بنحس باللى بيتكلم ونقعد نقول دة عامل من الحبه قبه والله دة غريب ولما تيجى بنت تشتكى من الولد اللى بتحبه وأن فيه مشاكل بينها وبينه نقعد نقولها والله انتى هبله ولا تعبريه لو منك ماتسأليش فيه بالرغم من أننا لو فنفس الموقف يمكن يكون رد فعلنا أقوى من كدة ولو حد نصحنا حتى مش بنسمعه أا بئا أكتشفت أن اللى على الشط شاطر وعويم زى بالظبط اللى بيتفرج على ماتش كورة وعمال يقول المفروض عوضين يبصيها لمحمدين وعوضين طماع والحكم مابيفهمش  ونقعد بالساعات نتفلسف .
احنا كدة كلنا بنموت فالفلسفه تقريبا كده ماقبلتش حد غير لما يكون واخد من سقراط كتير ومن أفلاطون أكتر كله بيتفلسف وبيفتى فمشاكل غيرة لكن لو فمشكلته تلاقيه عامل زى الغرقان   وبيمثل دور فاتن حمامه ففيلم أريد حلا
والنبى انا اللى اريد حلا ونفسى لما اكون فمشكله اخد اللى بيتفلسف عليا دة وأقوله أغرق معايا فالمشكله علشان تعرف أن الحل مش بالكلام 
ومش كل من قال كلمتين بئا فيلسوف ومش كل من  نزل البحر بئا عويم افهموها بئا 
ماتيجوا نبطل نتفلسف ونشوف  حالا شويه